لغززززززززززز

[المشراق]

باسم الله
السلام عليكم ورحمة الله وبركاته
من يحل اللغز
ما تقول في شيء يجوز إهداؤه ولا يجوز بيعه؟

[الخطاف]

وعليكم السلام ورحمه الله وبركاته=

جَزَاك اللَّهُ خَيْرًا وَتَوَلَّاكَ بِحِفْظِهِ وَأَسْعَدَكَ بِمَغْفِرَتِهِ وَأَيَّدَكَ بِنَصْرِهِ =

الحل : =

هو لحم الأضحية فإنها يُهدى منها إلى الإخوان والأصدقاء ويتصدق ببعضها على الفقراء=
ولا يجوز أن يباع منها شيئاً ولا يعطى للذابح شيء من لحمها كأجرة للذبح إلا أن تكون هدية =

لغز سهل للفطين وسريع البديهه ..=
أنشدك عن رجل(ن)حزامه في قفاه=وظيفته يرفع وينزل محزمه
ياكل أكل مايحول مع شواه=وإذا اكل اللقمه ترجع مع فمه !!
أنتظر رمعاتكم في حل اللغز ..=

[المشراق]

السلام عليكم
حياك الله الخطاف احسنت اجابتك صحيحه
الا على طاري صحيحه علوم اتصالك اعانك الله انت و الاق الي يضيق الصدر
ـــــــــــــــــــــــــــ
اما لغزك
اضنه النجر او الهاون
لانه يخرج اكله من فمه

[المشراق]

امي تقول يا الخطاف انه الملقاط لانه هو الي له حزام يرفعه وينزله و النجر ماله
الحل حل امي ان شاء الله صحيح
اذا كان مرماع زين ولا اجابه صحيه قلي

[الخطاف]

ماشــــاء الله تبارك الله ماعندك وقت
محاوله كانت اكثر من رائعه تفكيرك سليم ويدل على محاوله جيده
وتقول مب فطين.. إاجابتك






























غلط



لكنها رمعه طيبه من شخص اطيب
مــــالك لـــوى
اجاباتك كانت قريبه جداً حول الآت الحفر (وش دخل الآت الحفر هنا).
وعشان اريحك ..اقولك مش من آلات الحفر
لاتحاول أقرب لك أكثر من كذا
المهم هي اداه لايستغني عنها البدوي في البر
ووو ..... خلاص ماعاد اقدر اووووضح اكثر

[الخطاف]

ماشاء الله تبارك الله
صحيح هو الملقاط
أنشدك عن رجل (ن) حزامه في قفاه
وظيفتـه يرفـع وينـزل محزمـه
حزامه في قفاه هي السلك الحديد
اما وظيفته فهي واضحه يضيق على الملقاط ويوسعه برفعه او تنزيله
ياكـل أكـل مايحـول مـع شـواه
وإذا اكل اللقمه ترجع مـع فمـه !!
ياكل اكل مايحول مع شواه .. الملقاط يلقط ويشيل وينزل
واذا لقط الجمره ترجع على طول ..
الله يرزقك البر بها ويحفظها بحفظه
اللهم لا تجعل لها ذنبا إلا غفرته ولا هما إلافرجته
ولا حاجة من حوائج الدنيا هي لك رضا ولها فيها صلاح إلا قضيتها
اللهم ولا تجعل لها حاجة عند أحد غيرك
اللهم و أقر عينها بما تتمناه لك في الدنيا
اللهم إجعل أوقاتها بذكرك معمورة
اللهم أسعد ها بتقواك وجعلها في ضمانك وأمانك وإحسانك
وارزقها عيشا قارا ورزقا دارا وعملا بار
--------------------
جائزتها توديها تاخذ عمره أول يوم رمضان

[المشراق]

حياك الله الخطاف
يا بعد حي اذا بغيت تحط لغز مره ثانيه شف الناس الي قدامك يخوي لغزك سهل هات شي يستهال
ما شاء الله عليتس يامه اسئل الله اني يطيل بعمره على الطاعه ويختما لنا وله ووالديكم بالعمل الصالح
ــــــــــــــــــــــــــــ
الغز التالي بما ان امي الي حلت الغز
ياويش رجال(ن) له سنين مسجون ---زيد(ن) خفير(ن) له يحرسه لحاله
زاد الحرس بعبيد وجنود مليون --- فر الاسير وصار زيد بداله
لايجي احد يقول فيه اخطى املائيه:cool:

[الخطاف]

الله يبقيك على الطاعه ويخليك لعين ترجيك=

شكل اللي درسك في الاملاء بالابتدائيه قريباً لك..ماعلينا=

تصدقك ياأخوك أني تونيت في الرد أبي الاخوان يشاركون=
لغزك ذا... تقابلت انا وياه قبل كذا وتعرفنا على بعض =

حظيت بالي والله العالم أنه : القيــــد=
http://www.gooh.net/rrttoopp/lpo.gif
وخر خلافك 5 متر وانت مغمض عشان تشوف الصوره
عساه مرمــاع صحيح..؟

[المشراق]

الله اكبر عليك يا خطاف

قلنا مرار وتكرار موضوع الاملاء لاحد يقربه
المرماع يستاهل بعد هذه الكلمات الجميه الا ان يكون مرماع جيد














لاكن ونا اخوك مالك لوا
حاول مجدد
وين باقي الدهات مالهم حس

[المشراق]

تمتعو بهالقصيده ونتم تهوجسون بحل اللغز
إذا المراجل لبسة شماغ وعقـال........ قـل للعـذارى يلبسـنّ العمايـم

ماعـاد يفـرق زول حـرمه ورجال........ دام الفعـايل تشبـه البعــض دايــم

الـمرجـلـه ماهيـب كلـمه وتنقـال........ وتـروح مـا راحـت هبـوب الـنسايـم

وإلاخشونة صوت أو رفع الأثقال........أو رزة صـــدور وفعــل الــزلايـــم

ولاهـي بعـد مفتـاح موتر وجوال....... وإلا ردى لســانـن حـديثـه شتــايـم

المـرجلـه شيمـه عن القيل والقال.........رفيـع نفـس (ن ) حــر بالجــو حايـم

المـرجله عقـلٍ وزن وزنـه جبــال....... ودون العقـل وش فـرقنــا والبهـايـم

يا مسندي لومايل الوقت بي مال......... ياولـد أبـويه يـا عظيــم العــزايـم

يا معـرب الجـدين مـن العم والخال......... يا نخـوة المفـزوع وقـت الهزايـم

المـرجله يا خـوي هـي طولة البال......... هي العزم هـي الصبـر فالظلايـم

فيهـا الـكـرم عـزه دلـه وفنجــال......... فيها الكرامه عن ردى الطبع شايـم

والـدين لامنـه خـذا الـقلـب منــزال....... ...مشى طريق الحـق وابليـس نايـم

ومن لا عـرف ربـه في طيب الحال........... لابد وقت الضيـق بالهـم هايـم

حتى صلاتك مع جماعات ورجــال........... في خيرها يا خـوي نعـم الغنايـم

ولامن نصف لـيلـك قـم صفي البال...........يا عظم أجرك بين ساجـد وقايـم

ولامـن رفـع ربـي لـه كـل الأعمـال.......... حسن الذكر لا قالو فـلان صايـم

وخلـك شريف القصد يا طيب الفـال.......... سوء المقاصد فالبيوت الهدايم

واحـذر تبيع الـنفس في دب الأنذال......... وتتبع خوي إبليس راع النمايم

الـنفـس خيـل لـك إذا كنــت خيّـــال......... ومن لا قوى نفسه قوتـه الهزايـم

ولا صرت ما تدري لـويش أنت رجال....... والله خسارة فيك ذبح التمايم

[الخطاف]

ياسلام عليك ...

الا ملاء نتفاهم فيه بعدين..

يازين حسيك ...

ياليت فيه منك اربعه ...

كان حطيناهم كلهم بهيئة السوق :)

رمعه جديده عساها تكون صايبه

حرف (( النون))

[المشراق]

ياسلام عليك انت ووجهك
جزاك الله خير على تفهمك لموضوع الاملا




ونرجع ونقول محاوله جيده
لاكن مالك لوا





الحقيقه كنت بقرب لكم الاجابه لاكن لانك ما طلبت من اول رمعه هونت
حك راسك لين يطلع مخك منيب مقرب لكم

[المشراق]

بقرب لك خطاف هو شي معنوي
وكذالك مادي ملموس في بطنك هههههههههههه
اي والله هو المقصود معنوي
وسميه في بطنك

[الخطاف]

السَّلاَمُ عَلَيــكُم وَرَحْـمَةُ اللهِ وَبَرَكَاتُهُ=
جَزَاك اللَّهُ خَيْرًا المشراق=
الصراحة وأنا أخوك عجزت عن حله=

[الخطاف]

๏لغز قديم شوي بس شيق وحله رهيب ومشوق
يقول اللغز ::

انشدك عن بنت مـن عرفهـا ضمهـا=واللي جهلها مـن العـرب مـا همتـه
تجيـك بالأخبـار مـن عنـد أمـهـا=ومع اربع اعيال مافيهـم اللـي سمتـه
البنت لا انته ابوهـا ولا انتـب عمهـا=أخذتها من شايب نصف العرب في ذمته
ملاحظة : الرمعات يجب ان تكون بالتوضيح اي تفسيرا للأبيات
البنت - ضمها - الأخبار - أمها -اربع عيال - الشايب -نصف العرب

[رياض المسك]

بعد جهد جهيد

وأخذ ورد

توصلنا للرمعة(على قولكم) الصائبة بإذن الله




















































السر:rolleyes:







ومع اللغز الجديد
نعود للتفحيط :confused:
والأخذ والرد
و نأخذ فرصة :)

[المشراق]

السلام عليكم
يومنكم حستونا الحين
كل واحد ياقف ويرفع رجله ويديه اخرالفصل
احسنت يا الغالي رياض المسك هو السررررررررررررررر
ما شاء الله تبارك الله فيه ناس تفحط لهم اسبوع وبالاخير حطو لغز بدون لا يجاوبون
اخر انذا بدون تمصيع ياشباب
الي يجاوب يحط اللغز مهوب على كيفك الخطاف
المره ذي بنمشيه عشانك غالين علينا المره الثانيه قد اعذر من انذر

[المشراق]

باسم الله
خطاف الغالي
الله العالم
رمعه ونا ماتغديت يعني احتمال كبير من جنب القده
















الساعه ;)

[الخطاف]

أنت قايلن عطنا لغززز
لاترمع علينا بعدين انت معلمن بالحل
بالغرفه تقول اكشف بطنك ،، مدري وشو
معنوي ، رياض المسك كان متخفي يمكن لطش الرمعه
لاتطولها وهي قصيره <<<<<

ماشاء الله عليك المشراق رمعتك خطأ وباللون الأحمر بعد
ههههههههههههههه
العجيب والله انه تمزع بطني من الضحك
مالك لوى فديتك ..
اهم شي لاتتعب اعصابك وتفكيرك

[الفجر]

السلام عليكم
بصراحة الجواب مو من عندي
ولو اجلس سنه افحط ادور على الجواب ما القاه
انما راح اجاوب كي اخرب عليكم
لان اسلوبكم سعودي صرف
يعني ما راح يشارك الا السعوديين
وانتم الي قايلين في مدخل المنتدى انه لا يتبع لاحد او دولة
انما لكل المسلمين

لذالك نطلب منكم ان تكون الالغاز بالفصحى اذا استطعتم
واذا كان لا بد
حاولوا تقربوا لنا
مع احترامنا لكل اللهجات وكل الدول

الجواب هو بطاقة الصرف الالى
الماكنه = امها
الشايب = البنك
الابناء =حسابات البنك

بارك الله في يلي اعطاني الجواب

اما اللغز هو

يا للعجب يا للعجب ******* التابوت طيب والميت خشب

[الخطاف]

وعليكم السلام ورحمه الله وبركاته
أحسنت الفجر رمعة موفقه لكن من معلمك

وحلها مثل ما قلت بطاقة الصراف
ولمن يريد التوضيح :
انشدك عن بنت مـن عرفهـا ضمهـا ( حطها في البوك يعني )
واللي جهلها مـن العـرب مـا همتـه ( اللي ما بعد استلمها )
تجيـك بالأخبـار مـن عنـد أمـهـا ( الأم هي ماكينة الصراف )
ومع اربع اعيال مافيهـم اللـي سمتـه ( العيال هم الارقام السريه )
البنت لا انته ابوهـا ولا انتـب عمهـا ( تمويه )
أخذتها من شايب نصف العرب في ذمته ( الشايب هو البنك ونصف العرب اي عملاء البنك )


جاري التفكير .. :التابوت طيب والميت خشب=

[الفجر]

يلا
فحطوا

[المشراق]

السلام عليكم
فحطنا والله يستر
الحل هو اي فاكهه في وسطها نواه واحده
والاقرب هو التمر

[الفجر]

صح عليك المشراق

الجواب هو التمر

ليه ما حطيت لغز؟؟؟

[الفجر]

السلام عليكم
لسا ننتظر اللغز ايها المشراق

اذا ما عندك انا عندي
انشدك عن بنت متفاخره بالحاكوورة
لا بسة مية تنوورة

[بن سعيد]

مسابقات من ورانا الله يهديكم ما شي تراني بانتظار الغاز جديده

[بنوتة عسل]

الاضحية ممممممممممممممممممممم <<<<<<<<<<<<<مو شطورة هااات شي سهل

[هداية]

اعتقد والله العالم اللهانة ماعرف انت ايش تسموها
بس هية نوع من الخضروات وتشبة الخس بس تكون مدورة

الله يعينكم انت ترجموا هههههههه

[إلى أين المصير]

اعتقد والله العالم اللهانة ماعرف انت ايش تسموها
بس هية نوع من الخضروات وتشبة الخس بس تكون مدورة

الله يعينكم انت ترجموا هههههههه


تقصد الكرومب او الملفوف ( اغلب الناس يسمونه ملفوف ) وفيه منه لونين الابيض المخضر والاحمر البناني
والله اعلم

[هداية]

مشكور على الترجمة
هذا الي اقصدة انا
ياريت تكون الاجابة صح عااد :)

[الفجر]

الاجابة صح
لكن وين لغزك؟
جزاك الله خيرا

[ابراهيم]

السلام عليكم ورحمة الله وبركاته


:)


مالقيت لغز ، شكلكم مليتم من اللألغاز



ولكن تدرون هاكم اللغز




أبا أنشد العارف من الناس=أهل العقول ا لفطيناتي
ياويش حارس قوي الباس=ماذاق للنوم لذاتي
أطرش عماوي عديم أحساس=ما قيل مرحوم ليا ماتي



لكن اللي يحل اللغز يطرع لغز



:::::::::::::::::::::

[ألاسطورة]

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
جزاك الله اخي الخطاف السؤال لة اجابة واجاب اخي في الله الخطاف هات سؤال غيرة في عدد اخر
جزاك الله خير اخي المشراق علي المشاركة الطيفة
اخوك
ألاسطورة